Хрестоматия по истории СССР. Том 1 - Тихомиров М. Н.. Страница 88

81) А детей боярских служивых и их детей, которые не служивали, в холопи не приимати никому, опричь тех, которых государь от службы отставит.

87) А кто сорет межу, или грань ссечет, из царевы и великого князя земли, или у боярина, или у монастыря, или боярской у монастырьского, или монастырьской у боярского: и хто в тех межу сорет, или грань ссечет, ино того бити кнутьем, да истцу на нем взяти рубль. А хрестьяне меж собя, в одной волости или в селех, хто у кого межу переорет или перекосит, ино волостелю или поселскому имати на нем за боран два алтына.

88) А хрестьяном отказыватися из волости в волость и из села в село один срок в году: за неделю до Юрьева дни осеннего и неделя по Юрьеве дни осеннем. А дворы пожилые платят в полех за двор рубль да два алтына, а в лесех, где десять верст до хоромного лесу, за двор полтина да два алтына. А которой хрестьянин живет за кем год, да пойдет прочь, и он платит четверть двора; а два годы поживет, и он платит полдвора; а три года поживет, и он платит три четверти двора; а четыре года поживет, и он платит весь двор, рубль и два алтына. А пожилое имати с ворот; а за повоз имати с двора по два алтына; а опричь того на нем пошлин нет. А останется у которого хрестьянина хлеб в земли, и как тот хлеб пожнет, и он с того хлеба, или с стоячего, даст боран, да два алтына. А по кои места была его рожь в земли, и он подать цареву и великого князя платит со ржи; а боярского ему дела за кем жил, не делати. А попу пожилово нет, и ходити ему вон бессрочно воля. А которой хрестьянин с пашни продастся кому в полную в холопи, и он выйдет бессрочно ж, и пожилово с него нет; а которой хлеб его останется в земли, и он с того хлеба подать цареву и великого князя платит, а не похочет подати платити, и он своего хлеба земляного лишен.

90) А который купец, идучи на торговлю, возьмет у кого денги или товар да на пути, у него товар утеряетца безхитростно, истонет или сгорит, или рать или разбой возьмет: и бояром обыскав, велети тому дати цареву и великого князя дияку полетнюю грамоту, с царя и великого князя печатью, посмотря по животом, платитися истцов в истину, без росту. А кто у кого взяв, идучи в торговлю, да пропиет, или иным каким безумием тот товар погубит без напрасньства, ино того выдати истцу головой до искупа. А в розбойном деле дадут кому полетнюю грамоту и как своего роз-бою доищется, или в его иску розбойников поймают, и у того та грамота его полетняя не в грамоту.

98) А которые будут дела новые, а в сем Судебнике не написаны, и как те дела с государева докладу и со всех бояр приговору вершатся и те дела в сем Судебнике приписывати.

102. «СТОГЛАВ» (1551 г.)

Выдержки из «Стоглава» приводятся по казанскому изданию 1912 г.

Отец мой Макарий митрополит всеа Русии и архиепископы и епископы и весь освященный собор. В предъидущее лето бил есми вам челом и с бояры своими о своем согрешении, а бояре такоже; и вы нас в наших винах благословили и простили. А яз по вашему прощению и благословению бояр своих в прежних во всех винах пожаловал и простил; да им же заповедал со всеми хрестьяны царствия своего в прежних во всяких делех помиритися на срок, и бояре мои все, приказные люди и кормленщики со всеми землями помирилися во всяких делех. Да благословилися есми у вас тогды же судебник исправити по старине и утвердити, чтобы суд был праведен и всякие дела непоколебимо во веки. И по вашему благословению судебник исправил и великие заповеди написал, чтобы то было прямо и бережно, и суд бы был праведен и безпосулно во всяких делех; да устроил по всем землям моего государства старосты и целовалники, и сотские, и пятидесятские по всем градом… и по волостем… и уставные грамоты пописал. Се и судебник перед вами, и уставные грамоты, — прочтите и разсудите, чтоб было наше дело по бозе в род и род неподвижимо по вашему благословению. Аще достойно, сие дело на святом соборе утвердив и вечное благословение получив, и подписати на судебнике и на уставной грамоте, которой в казне быти.

Да с нами соборне, попрося у бога помощи во всяких нужах, посоветуйте и разсудите и умножите и утвердите, по правилом святых апостол и святых отец и по прежним законом прародителей наших, чтобы всякое дело и всякие обычаи строилися по бозе в нашем царствии, и при вашем святительском пастырстве, а при нашей державе; а которые обычаи в прежние времена, после отца нашего великого князя Василия Ивановича всеа Русии и до сего настоящаго времени поизшаталися [126] или в самовластии учинено по своим волям, или предние законы, которые порушены, или ослабно дело, небрегомо² божиих заповедей, что творилося и о всяких земских строениях и о наших душах заблуждении, — о всем о сем довольно себе духовне посоветуйте и на среди собора сие нам возвестите.

И мы вашего святительского совета и дела требуем и советовати с вами желаем, о бозе утвержати нестройное³ во благо. А что наши нужи, или которые земские нестроения, и мы вам о сем возвещаем.

И вы, разсудя по правилом святых апостолов и святых отец, утверждайте во общем согласии вкупе; а яз вам, отцем своим, и с братиею, и со своими бояры челом бью.

О монастырех и иноцех. Вопрос 8. А в монастырех чернецы и попы стригутся спасения ради душа своя. Нецыи же от них стригутся покоя ради телесного, чтобы всегда бражничать и по селом ездят прохладу для. О архимаритех и игуменех: а архимариты и игумены некоторые также власти докупаются, да службы божий и трапезы и братства не знает, покоит себя в келий и с гостми; да племянников своих вмещают в монастырь и доволят всем монастырским; и по селом такоже; а монастыри тем пустошат, а старых слуг и вкладчиков изводят… И по селом и по миру всюду ездят чернцы без зазору…

А священницы и братия бедные алчни, и жадни, и всячески непокойны, всякими нуждами одержимы. Весь покой монастырской и богатство и всякое изобилие во властех, и с роды, и с племянники, и с боляры, и с гостми, и с любимыми друзи истощили; тако ли подобает быти по уставу, общему братству вкупе пребы-вати? и такое безчиние и небрежение и всякое нерадение о церкви божий, и о монастырском строении, и о братстве — ино на ком грех тот взыщется?

О монастырех иже пусты от небрежения. Вопрос 15. В монастыри боголюбцы дают душам своим и родителем на поминок вотчины, и села, и прикупи; а иные вотчины и села собою прикупают в монастыри, а иное угодие у меня припрашивают; и поймали мвого по всем монастырем. А братьи во всех монастырех по старому, а инде и старого меньши, есть и пить старого братье оскуднее, а строения в монастырех ни которого не прибыло, и старое опустело. Где те прибыли, и кто тем корыстуется?..

О церковных и о монастырских денгах. Вопрос 16. О церковной и о монастырской казне, еже в росты дают: угодно ли се богови, и что писание о сем глаголет? Божественное писание и миряном резоимство⁴ возбраняет, нежели церквам божиим денги в росты давати, а хлеб в наспы ⁵. Где то писано во святых правилех? о сем пишет: церковно богатство — нищих богатство и прочим на потребу…

Вопрос 27. В первый понедельник Петрова поста в рощи ходят и в наливки, бесовские потехи деяти. И о том ответ. Чтобы православные хрестьяне в понедельник Петрова поста в рощи не ходили, и в наливках бы бесовских потех не творили, и от того бы в конец престали; понеже все то еллинское бесование и прелесть бесовская, и того ради православным хрестьяном не подобает таковая творити…

О святительском суде соборной ответ. Глава 53. Яко не подобает князем и бояром и всяким мирским судьям священнического и иноческого чипа на суд привлачати ниже таковым судити; да не обладает ими никтоже от простых людей, точию великая соборная святая церковь обладает и судит таковым, по закону священных правил. А от простых людей ни князь, ни боярин, ни всяк мирский судья да не обладает иерея, ниже монастыри, ниже мниси… Аще ли кто и покусится что взяти от церкви через благословение архиереево или иереево, кроме закона церковного, таковый ничему подобен есть, точию священная крадущему, и скверностяжателем, и иноверным человеком; и сии убо татие суть и хищницы и разбойницы церковнии, паче же и разбойницы церкви божий. И сия аще кто сотворит, и таковии аще не покаются, пагубу наследуют, сице бо и господь наш Иисус Христос, заповеда, рек: отдадите кесарева кесарю, а божия богови.